Turnfahrt Fitnessriege 2020

Veröffentlicht: 30.08.2020 23:08

Zurück

Samstig 29.8.2020 e wildi Meute hät sich am früene Morge am 8i am Bahnhof versammlet. Schöni Wetter findet hüt leider nur über dä Wolche statt. Vom Bahnhof Urnäsch sind mir losgloffe richtig Hochmoor. Dä Wind und s Wetter händ eus entgegeblase. Innere schöne Hüte uf em Hochmoor händ mir e Gschicht verzellt übercho, mir sind vo ganz viel Hornisse gstört worde. Eusi Aura isch eis gsi. Somit händ mir s richtig Werchzüg gha, eusi Tour witer a ztrette richtit Lilybeiz, Dä Rege isch konstant, permanent vorhande gsi. Mitere schöne Kutschefahrt simmer im Rege dur die schön Landschaft gschweift und dänn, oh Schreck, mir müend usstige…. Mir händs ufgno, ganz elei gäg dä Sturm undedure im Rege sind mir im Hotpot glandet oder gstrandet. Es isch sehr schön warm gsi und mir sind mit Getränk versorgt worde. Und scho händ mir s richtig Werchzüg für das feini Raclette mit dä lahme unter dä Wulche Röschocherzli gha. Und nachere heisse Nacht im Hotpot isch scho dä Sunntig 30.8.2020 agseit gsi. Am Morge hät dä Jan drü mal!!!! dä Chopf a gschlage im Holzpfahlhus und isch ufs WC grennt am feufi am Morge, wo dä Ernst ernsthaft meditierend da gstande isch, isch dä Jan a ihm verbi wieder is Bett, hät nochli gschlafe und isch dän zum Zmorge. Uf die halbi nüni händ sich dän alli Fultier im Restaurant versammlet und dän händ mir ganz es feinst Zmorge übercho. Mir händ en wunderschöne Tag erläbt da uf em Burehof mitere Olympiade. Mär weiss nöd genau was da alles passiert isch, da en teil vom Pricht uf mysteriösi Art und Wiis verschwunde isch. Aber viellicht isch es au guet wenn gwüssi Sache vo däre Reis nirgends schriftlich oder sust irgendwie festghalte sind 😉 Dä Jack hat müese zrug dänke an Merliweg vo gestert. Ihm sind d Figure in gueter erinnerig blibe, vorallem d Üle us Holz. So seged mir am Holzstübli ade, oh weh, juhe und gönd zrug uf St. Galle.

En ganz grosse Dank ad Nadja fürs Organisiere.

Michele